Э Ъ Л О Н

ЎзР ФА Зоология институти 03.00.06 – Зоология ихтисослиги бўйича докторантура (DSc), таянч докторантура (PhD) ва стажёр тадқиқотчиликка қабул эълон қилади. Талабгорлардан хужжатларни қабул қилиш 2023 йил 15 сентябрдан 15 октябргача амалга оширилади.

Докторантура (DSc), таянч докторантура (PhD) ва стажёр тадқиқотчиликка талабгорлар 1-иловадаги талабларга жавоб бериши керак ва иловага мувофиқ хужжатлар қабул комиссиясига топширилади.

 

Институт маъмурияти ва қабул комиссияси.

Мурожаат учун телефон: (99871)289–04–65

                                                     (99871) 289–10–62

 1 ИЛОВА

I.Талабгорларга қўйиладиган талаблар:

1.1.Стажёр-тадқиқотчиликка кирувчи шахслар магистр даражаси ёки клиник ординатура (тиббиёт фанлари учун) ёки олий маълумот (мутахассислик дастурлари бўйича 1997 йилгача) тўғрисидаги дипломга эга бўлиши лозим. Ундан ташқари, илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга бўлишлари шарт.

1.2.Таянч докторантурага қуйидагиларга эга бўлганлар қабул қилинади:

магистр даражасига ёхуд клиник ординатурани тугатган (тиббиёт фанлари учун), олий маълумот тўғрисидаги диплом (мутахассислик дастурлари бўйича) эга бўлганлар;

Фалсафа доктори (PhD) илмий даражасини олиш учун дисесертация тадқиқоти асосини ташкил қилиши мумкин бўлган илмий натижалар, шу жумладан илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга бўлганлар. Хорижий тилдан В2 га тенг бўлган сертификатга эга бўлишлари шарт, акс ҳолда хужжатлари қабул қилинмайди.

1.3. Докторантурага қуйидагиларга эга бўлганлар қабул қилинади:

фан номзоди ёки фалсафа доктори (PhD) ёхуд уларга тенглаштирилган хорижий давлатларда олинган илмий даражалар;

фан номзоди ёки фалсафа доктори (PhD) илмий даражаси ёхуд уларга тенглаштирилган бошқа илмий даражалар олгандан сўнг муҳим илмий ютуқларга эришиш, шу жумладан, фан доктори (DSc) илмий даражасини олиш учун диссертация тадқиқоти асосини ташкил қилиши мумкин бўлган илмий журналларда чоп этилган камида учта илмий мақолага ҳамда илмий-амалий конференциялар, семинарлар ва тегишли илмий йўналишлар бўйича илмий ишлар тўпламларида камида иккита тезисга эга бўлиш. Хорижий тилдан В2 га тенг бўлган сертификатга эга бўлишлари шарт, акс ҳолда хужжатлари қабул қилинмайди.

 II.Стажёр-тадқиқотчилик, таянч докторантура (PhD) ва докторантура (DSc) га ўқишга талабгорлар қуйидаги ҳужжатларни тақдим этадилар

  1. Ариза;
  2. Қисқача биографик маълумот (объективка – намуна 3.5 шакл бўйича ўзбекча ва русча шаклда);
  3. Меҳнат дафтарчасининг белгиланган тартибда тасдиқланган нусхаси (ишлаётган талабгорлар учун);
  4. Олий таълим муассасаси магистратураси дипломи ёки клиник ординатурани тугатганлиги (тиббиёт фанлари учун), олий маълумот (мутахасислик дастурлари бўйича) тўғрисида диплом нусхаси;
  5. Нашр этилган илмий ишлар рўйхати, шунингдек уларнинг нусхалари (камида 1 та мақола ва 2 та тезис);
  6. Иш жойидан тавсифнома (Мустақил изланувчилар учун);
  7. Паспорт нусхаси;
  8. Ўзбекистон Республикаси Президенти Давлат стипендияси ҳужжат нусхаси (мавжуд бўлса);
  9. В2 га тенг хорижий тил сертификати;
  10. Илмий раҳбар (консультант) нинг ёзма розилиги;
  11. 4 дона фотосурат (3х4 см хажмда)

Барча хужжатлар pdf шаклида тайёрланиб Олий таълимдан кейинги таълимни мувофиқлаштирувчи Ягона электрон тизими (http://phd.mininnovation.uz) орқали рўйхатдан ўтган ҳолда юборилади.

Қабул масаласида институт илмий котибига мурожаат қилишингиз мумкин.

Тел.: (+99871) 2890465; (+99871) 2891062.